La Cesarina
Scinnu te le muntagne caddhipuline
nu sacciu ci la ttrou la Cesarina
Oh Cesarina cara Cesarina mia
subbra lu piettu tou ‘nc’è na catina
E tie la porti an piettu ieu la portu mmanu
e tutti ddoi ‘ncatinati sciamu
Oh giudice ci puerti la pinna a mmanu
nu mme la fare longa la mia cundanna
Ca nu aggiu ‘ccisu e mancu aggiu rrubbatu
pe nna ‘nfame carogna stau carciratu
Ca ci ole Ddiu cu cangia stu guvernu
la tierra la caminu parmu parmu
Oh Cesarina cara Cesarina mia
le carceri te Lecce nu le sapia
Le carceri te Lecce su cruci cruci
te lu luntanu passanu l’amici
Le carceri te Lecce nu le sapia
me l’ane fatte mparare Cesarina mia.
La Cesarina
Scendo dalle montagne gallipoline
chi sa se la trovo la Cesarina
Oh Cesarina mia Cesarina cara
sul tuo petto c’è una catena
E tu la porti sul petto, io alle mani
e siamo entrambi incatenati
Oh giudice con la penna in mano
non la fare lunga la mia condanna
Perché non ho ucciso né rubato
sono carcerato per una infame carogna
Se Dio vuole che cambi questo governo
camminerò la terra palmo palmo
Oh Cesarina cara Cesarina mia
le carceri di Lecce non le conoscevo
Le carceri di Lecce son croci croci
da lontano passano gli amici
Le carceri di Lecce non le conoscevo
me le hanno fatte imparare Cesarina mia.